Нова генерација автоматски фокометри

NIDEK LM-1 и LM-1P претставуваат нова генерација автоматски фокометри, развиени за прецизно, брзо и едноставно мерење на различни типови диоптриски стакла. Во споредба со претходната генерација LM-7/LM-7P, новата серија нуди поголем екран, повеќе мерни точки и унапредени функции за анализа на стаклата.

Серијата LM-1 користи сензор Hartmann со 161 мерна точка, во споредба со 108 кај претходната генерација, со што во текот на едно мерење се добиваат повеќе податоци за прецизна анализа.

Унапреден е и алгоритмот за мерење прогресивни стакла, со полесно препознавање на зоните за далечина и близина, особено кај прогресивните стакла со пониски вредности на адиција.

Двата модели се опремени со 7-инчен колор-екран на допир, со попрегледен кориснички интерфејс кој овозможува поедноставно секојдневно ракување.

Новата функција Distortion Check овозможува споредба на централниот дел на стаклото со периферните зони и визуелен приказ на евентуални отстапувања, што може да помогне при проценка на состојбата на површината и на заштитните слоеви на стаклото.